يا ابا صالح ادركنا



يابو صالح لا تنسانه يـا قائدنه يا مولانا

هذا الفجر نفسه يريد يبني بنفسه عرش يزيد

* * *

عـراقك هجمت اعليه الكفر انهض تعناله

وبيت العز غداله من الأسى يا سيدي حاله

يوم اللي بزغ نجمه يصاحب وي ضوه هلاله

تعنالـه تـعناله الشـرك والناصبـي جاله

طالت هاي الغيبه ابعيد من هالغيبه شنهو اتريد

مو طالت غربتنه هنانه يا بو صالـح لا تنسانه

* * *

عمت عـينة يـصاحب مـن بده بيها
قصتنه يبو صالـح حزينـة امنين نبديها

خل نرجع لعد باب الزچيه وننحب اعليها

تـحچيها البتول الطاهرة وبحزن تشچيها

نار اوباب اوضلع اوإيد ردت بـالاحقاد اتزيد

چفك ما شرف داوانه يا بو صالـح لا تنسانه

* * *

خبر ثاني الك محـراب يالغايب والك طبره

بشهر الله تعده اشلون يا وسفه الـه قدرة

عالباري اعتده ياحيف بيده اوصال عالعتره

اخذ جرحين من عدنه اسى المحراب والزهرة

لاتضل ساكت گوم اوزيد وبـسيفك اصلب متريد

هـدم للمشرك اركـانه يا بو صالـح لا تنسانه

* * *

اخذ مـن الحسن حاله وشـاهد يشرح العنده

بيت الأشعث اوبيت الحكم يا سيدي اوجعده

تجي عنده تهجم ضده يصاحب من تصل حده

ديون اهواي يالـمهدي الك يالـمنتظر عنده

صابـوا جثمانـه بسهام يـامهدينه اشلـون اتنام

بيايوم اتـحارب عدوانه يا بو صالـح لا تنسانه

* * *

وحـيد احسين يالـمهدي ولا واحد غده ايعينه

الأهل كلهم گضوا بالسيف ويذرف بالحزن عينه

مـشاهد بالـحزن تاذي ويهيج بالأسى اونينـه

لسّـاعـه تـوّن الروح يـمهدينه يـمهدينـه

يوم الي ذبـحوه عطشان داسوا صدره بالـميدان

والـحگ اتـبدل عنوانه يا بو صالـح لا تنسانه

* * *

اخذ بيدك خبر مسند يـمهدي واسمع العيله

تنادي بفاجعه اوحسره ولذاك الحـيد تشچيله

تـلوذ بـسده يـالغايب تشاهد علّته اوحيله

آسى وأحزان حالتهم وعذاب الـهم يراويلـه

نسوان اتفر مـن الـخيل عطشانه اوما عدهن حيل

ويـزيد ايـعمّر ديـوانه يا بو صالـح لا تنسانه

* * *

الچف اللي گطع نـحره يبو صالح اجه لينه

نواصب من تـحاكمنه تعذبنه اوتـقاضينه

من يوم الضلع لسا يبو صالـح تـعادينـه

گضوا شيعة علي كلهم وعادوا سيدي الدينه

صاروا عل الأسم ايذبحون يـا مولانـا تدري شلون

اظهر وبـأمرك تـلگانه يـا بو صالـح لا تنسانه

* * *

لخادم الحسين عليه السلام

الخطيب الحسيني سماحة الشيخ فاضل المخزومي

* * *